கவிதைகள்

ராசிக்கல்

கோடீஸ்வரன் ஆக ஆசைப்பட்டு

அணிந்துகொண்டேன் ராசிக்கல்லை. – இப்போது

கோடம்பாக்கம் ஓட்டலிலே

கழுவுகின்றேன் தோசைக்கல்லை.

வாஸ்து

வாஸ்து பார்த்து வீடு கட்டி

வாசலிலே பந்தல் வெச்சேன்.

தோஸ்து ஒருத்தன் ஏமாற்றி

நடுத்தெருவில் குந்த வெச்சான்.

காத்திருந்து காத்திருந்து….

உனக்காக காத்திருந்தேன்

சுங்குவார் சத்திரத்தில்.

உங்கப்பன் என்னைப் பிடித்து

தொங்கவிட்டான் உத்திரத்தில்.

கல்லூரிக் காதல்

உன் கூந்தல் மேகம் கண்டு

ஆடும் மயிலானேன்.

உனது வீட்டுத்தோட்டத்தில்

கூவும் குயிலானேன்.

உனையே நினைத்து படிக்காமல்

பரிட்சையிலே பெயிலானேன்.

Advertisements

காதல் கவிதைகள்

– எழுதியவர் புகழ் பெற்ற கவிஞர் குசும்பு குண்டுமணி

(இவருக்குபுகழேந்தி என்ற மகன் உள்ளான்.
மற்றபடி இவரை பக்கத்து வீட்டுக்காரருக்கு கூட தெரியாது)

பொங்கல் பரிசு

போன மாதம் செய்த பொங்கலை
பொட்டலமாய் கட்டி வந்து
உனக்காக நானே சுடச்சுட செய்தது என்று
தின்னச் சொன்னாள் என் கையில் தந்து

தின்னவுடன்—-

பட்டாசு சத்தம்தான் வயிற்றுக்குள் கேட்குதடி
போனேன் நொந்து
கக்கூசு கட்டணத்தில் கடனாளியானேனே
காலரா வந்து.

பஜ்ஜி – குச்சி

குவளை நிறைய இட்லியை
அவள் தொட்டுத் தின்றாள் சட்டினியில்

அவளை எண்ணி சாப்பிடாமல்
உடல் மெலிந்தேன் – நான் பட்டினியில்

தின்று தின்று உப்பினாளே -அவள்
எண்ணையில் நனைந்த பஜ்ஜி போல

வேதனையில் நான் இளைத்தேன்
வெயிலில் காய்ந்த குச்சி போல.

காரு – சோறு

கனவினிலே வாங்கி வந்தேன்
காதலிக்கு ஏசி காரு

கண்விழித்துச் சாப்பிட்டேன்
குண்டானில் பழைய சோறு